تاريخ النشر: 2016-12-05 | 21:34
تاريخ النشر: 2016-12-05 | 21:34
***
أنا مين في الناس اللي قُصادي
أنا .. دا
أو .. دا
أو يمكن ..دا
أو يمكن واقف قرب الناس في الناحيه دي
أنا مين
وبقالي سنين
مش عايش زي البني آدمين
وكإنّي مش إنسان عادي
مع إنّي.. أنا مخلوق من طين
ومشاعر دفا مليانه حنين
وساعات.. أنا زي الناس بفرح
وساعات كْتيرة
كْتيرة قوي
حاسس بمرار
ونياب من نار
وبعيش.. أنا وحدي
ليل ونْهار
وانا قلبي حزين
مش عارف ليه
أنا مين
**
وبقى لي تلاته وتلاتين دهر
مع ألفين شهر
واقف قدّام مرايةْ الكون
زي المجنون
وكإنّي أمام واحد تاني
مكسور الخاطر
وبعاني
من حُرقة ْ غربة ْ وجداني
وآهين من أه الشوق وانا عايش
في الليل وحداني
وكإنّي.. أنا واحد تاني
**
طب ليه انا مين
مع أن الناس فاهمين
شايفين
عارفين أن انا مش حدِّ ملوش في الكون عناوين
عارفين ان انا من نفس الدم ونفس اللحم ونفس الطين
عارفين ان انا من نفس المهد
من نفس الورد
من نفس الشهد الطارح من عشق البساتين
انا نبض النور الساطع في عيون الملايين
انا وحي المجد الطالع ثورة وفدائيين
عارفين
أنا مين
**
من أول يوم في شروق الشمس
أنا كنت أنا
عايش.. وبعيش احلم بإدين
ممدوده بشوق
بشروق وحنين
عايش للناس اللي بقلبي ليهم بساتين
أرقص على دقةْ همس الشوق
للناس الذوق
للناس المليه الدنيا شعور
للغير.. والخير بقلوب الناس
على كلّ الناس بيدور
لنجوم السما بترش الليل زهور النور
للورد الطافح أحلى عبير
لطيور في الفضا
وطيور على شجر الحب
تحب وتبني لحبَّها عش
بحنان ينعش
وحنين يفرش
حكايات زقزقه
مواويل بتغني
ياعيني يا ليل
وياليلي يا عين
وآهات وحاجات ملهاش في الحُسن مثيل
لكن معرفش.. ازاي ومنين
غربان الشوم وسواد البوم
احتلّوا عشاش العصافير
حرقوا البساتين
سرقوا من نني الروح الفاء
واللام والسين
والطاء والياء والنون
وحعيش إزاي عاقل والشوق مجنون
سراقوني وراموني
في الدنيا الصعبه حزين
مش لاقي مين
يسند عن جد
عن ود
مش لاقي حد
يقول أنا مين
أنا مين
جميع الحقوق محفوظة لـ أمد للاعلام © 2007 - 2026
