راح أقولها في البلدي

راح أقولها في البلدي 
وكرمال وطني بدي أغني
قضيتنا وبوصلتنا مش كابونة 
ولا علبة سردينة وكرتونة
ملعون إلي وصلنا للمخروبة
خربوها وهدموها وقعدوا علي تلها
قال بدهم يحرروها وحولوها كيف بدهم
من عودة وحق مقدس لفك حصار ومعونة 
وفرحوا الأبطال وزغردت الأطفال فتحناه
قالوا مين إلي فتحتوه وأزلتوا سياجه
سلك بفصلنا عن أرضنا والتاريخ سجل إلنا 
رد عليهم الغير بعد ما ادخل الشيطان 
وفتح المعبر بخير وسلام والهجرة طارت
مثل العصفور لما يشوف الحرية 
وسلام تعظيم للشهداء والصراع إنتقل إلهم 
هذا فتح وهذاك حماس والباقي بيهلل مش فهمان 
شو عم بيصير ولكم وقفوا هالحال وفضحتونا 
بيكفي هبل وخليكم في الخيمة المنصوبة 
لعند ما تحل تاريخ النكسة وننهي القضية 
وهيهم بادروا وبدهم يعمللونا جزيرة جديدة 
زعلوا علينا كيف متنا والغرب مش عارف ينام 
طيب انتظرونا وبدنا نمشي هالصفقة بنت الحرام
ابو مازن مش راضي يقبل فيها وشو رأيكم أنتم
بنفكر وما بنوقع وهيك بنكون خلصنا وحفظنا كرامتنا
ما حد بلومنا وبنضل رافعين شعار المقاومة للأجيال
راية خضراءمع راية صفراء وزيد عليها الحمراء وأكثر
ما كله بدوس وبكسر في مجاديف شعبنا الغلبان 
والكاميرات بتصور في كل شارع ومكان 
وانتهت قضيتنا وبوصولنا لمقبرة الصفقات 
نفشلها ولا نمررها والتهديد قوي هالأيام 
لهيك بدنا نتراجع ونتقدم مثل السلحفاة 
بنحرج العدو والكل بتعاطف معنا وبتهل المساعدات 
راح زمان طلب السلاح وصار معنا ومش قادرين نطلعه 
يعني قوة مثل العرب ولهيك ولا مرة حاربنا من الصدق
ما بنعرف غير اليمن وسوريا وليبيا والعراق وبدنا نهلكهم 
لنعمل قوة جديدة وحلف يواجه ايران ومعنا حليفتنا الكيان 
بتتجهز وبدها قال تضرب ومصدقة حالها هالجربانة 
طيب بتحداها إن بتقدر تضرب غيركم والها سنوات بتهدد
كلام فارغ وهي بتعرف شو بتمتلك وكيف ممكن يكون غضبها
بحاولوا يمسكوا غلطة ليحاسبوها ويتحالفوا عليها وياكلوها
بس مش مدياهم أي فرصة وهيك بكون يا عم الذكاء 
لازم نعترف وما نضلنا غارقنين بوهم الخلافات والخيبات
السياسة علم قبل ما تكون تعصب ودين واحنا كلنا مسلمين 
بس اتوحدوا مرة واثبتوا للعالم إنا بجد ناويين 
ما راح يصير هالشيئ وراح نفضل ديوك علي بعض 
ونعاج ودجاج قدام المحتل وبس اطفال فلسطين بغيروا المعادلات
راح تشوفوا النهاية ومهما شفنا من متخلفات الأحزاب والحركات
الوطن مش خيار ولا فقوس وقت ما بدنا اياه بيثور من أجل حسابات