زعلان من المستشفى الأمريكي اكثر من زعله على القدس

زعلان الرئيس وما بيصير يزعل الرئيس

زعلان الرئيس الذي قال انه أسقط صفقه القرن وانه بهدل ترامب وان الصفقه ولدت ميته ... بدون زعل خلينا نحكي على مين كنت بتضحك او ضحكوا عليك يا حج... اذا كنت تقول ما قلت بروباغندا وجعجعه فق خدعت جمهورك وسحيجتك وضحكت عليهم واذا كنت تقول ما قلت لان بعض مستشاريك قالوا لك ذلك او بعض الدول او الأصدقاء قالوا لك ذلك بيكونوا ضحكوا عليك والله عيب زلمه بهل عمر ويضحكوا عليه...

يا حج بتعرف ان أصغر طفل فلسطيني في الميه ميه او في اليرموك المهم او في برج البراجنه او في الدهيشه او مخيم الحسين بيعرف ان الصفقه شغاله على قدم وساق ويتم تنفيذها قطعه قطعه بدأت بالاكبر ليري رده الفعل على قرار ضم القدس وإغلاق ألمؤسسات فيها واعتبارها عاصمه لدوله إسرائيل وشاف ترامب رده الفعل الباهته والموقف الفلسطيني التافه الذي اتبع بموقف عربي مخزي فقرر الإسراع في نقل السفاره الي ٦ أشهر بدل سنتين... على طريقه اطرق الحديد وهو حامي وبلش بعدها بالوكاله واللاجئين ومؤتمر البحرين وشاف التعاطي بالسياسه بتياسه بدلا من المواقف المدروسه...

يا حج مبارح اجا على بالك تقول ما بيصير هيك صفقه القرن تمرر بالقطع هلا شفت ليش انت بتشوف... ما ازعجك غير المستشفى الأمريكي...

مش عارف حماس ميته على أمريكا والتعاطي مع امريكا وعندها استعداد واجتها من الله الامريكان ييجوا عندها يعملوا مستشفى وعصفورين بحجر. . مش عارف حماس بيهمهم مصلحتهم وطز في الباقي وحضرتك ما قصرت ما خليت حجر على حجر ولا ٢ سوا وحولت الشعب الي فتات على موائد اللئام. حتى أصبحت القضيه في الحضيض. ..

اليوم اعدت جنابك التهديد بشو بالغاء الاتفاقات.. كم مره حكيت هل حكي والمرات السابقه كانت كذب واليوم بدنا تصدقك... كيف رح توقف بناء المستشفى الأمريكي... أخذوا الأرض والمعدات وصلت والباقي عل طريق ياحج بيعملوا جولات سياحيه مش فارقه معهم.. انت لا تملك على الأرض ولا الأرض شو بدك تعمل ام ان القصه تذكروني انا هنا... رح يقعولك صدقني ما حدا منتبه عليك او سامعك غير شويه هل سحيجه القاعدين قدامك ومكتفين ايديهم زي ولاد الصف الأول.. الله يفك أسر خالده جرار كانت بتسم بدك رح وديتها اعتقال إداري. مس مشكله فخر لها وخزي لك.....

شو ناوي تعمل والصقه ماشيه وكل شي تمام شوف شغله غير التهديد بالغاء الاتفاقات احكيلك بكره شوف بدله ابو عمار والكوفيه واشتريلك مسدس وأعلن انك رح تقلبها فوضى بلاش كفاح مسلح انت ما بتحب هل كلمه والفوضي لعبه الامريكان.. احكيلهم رح تقلبها فوضى بس ما رح يصدقوك ولا راح الفوتيك يليقلك... احسن شي روح اقعد بقصر عمان وعندك مصاري تعيش وما تخاف عل ولاد أمورهم بخير وما تخاف علينا صدقني بندبر حالنا بس خذ اللجان كلها معك تنفيذيه ومركزيه وامناء وما تنسي الهباش كلكوا انتهى دوركوا سمعت كلكوا..