شو حالنا مع غزه ...

كيف يمكن توصيف حالة الشعب العربي مع غزه بعد ما يقارب من ٨ شهور على العدوان الصهيوني الاجرامي ..

طبعا الخبراء والمحلليين الاستراتيجيين والمحللين المحليين والدوليين ومحللي الغذاء والدم والبول ومحللي العصير وكل محللين العالم لم يتفقوا على نتيجه واحده ليخرجوا بها للعالم تستطيع توصيف حاله العرب ليتم على أساسها وصف الدواء او التشخيص او العلاج او الطخ لهم ..

البعض متعاطف تمام بس كيف متعاطف مش عارف ..

البعض متضامن تمام بارك الله فيك بس كيف متضامن مش عارف ..

البعض متفائل الحمد لله بس على شو مش عارف لا حول ولا قوة الا بالله العلي العظيم 

البعض متشائم ليش متشائم يا حج بيقول مش عارف صحيت من النوم شايف حلم مزعج حسبنا الله ونعم الوكيل فيهم 

البعض ملوش دخل طيب ليش بيقول انا راسي وجعني ومش فاضي شوفوا حدا غيري 

البعض معصب وشادد على حاله كتير طيب وحد الله يا حج بتهون بيقول ما حدا يحكي معي بلاش تخلوني اكفر استغفر الله العظيم خلص طول بالك 

البعض معطيها واخر حلاوه شو القصه بيقول والله لالعن ابو العرب لابو اليهود شو وصلت لهون القصه وما تحكوولي ...مش عارفين مين انا ..

البعض بعد تفكير راح دعى لاجتماع للتشاور حول الموضوع واتخاذ الإجراءات اللازمة عمل غدا حضر الجميع تغدوا وبعد الغدا تم تأجيل الاجتماع إلى موعد لاحق يحدد فيما بعد ..

البعض قرر الخروج للتظاهر بس بشرط مع الاخوان ما بشارك مع اليسار ما بشارك مع بنات ما بشارك مع ولاد ما بشارك طيب شو بدك خلص غيرت رأيي بعدين بطلع لحالي 

البعض قرر التبرع بما يملك طلع معوش ولا ليره ومديون بده غزه تسد عنه 

والبعض قرر التبرع وبعد البحث والتمحيص وجد ان التبرعات لا تصل بسبب السيسي وإسرائيل وغلق المعبر والحراميه والسماسره وجمعيات النصب والاحتيال راح غير رأيه وطلع عل عمره 

البعض صافن صارله ٨ اشهر بيفكر وكل ما رفع راسه بيقول القصه صعبه مش لاقي حل وبيرجع يصفن ..

هذه المجموعات المؤيده لغزه اما في الطرف المقابل المجموعات المعارضه لغزه 

البعض يقول اليهود على حق وغزه على باطل ويجب أن نقف مع الحق وندعم اليهود 

البعض يقول غزه جماعه متمرده ما بتسمع الكلام اتركوهم لليهود يشبعوهم كتل ..

البعض يقول حنا مع ولي الأمر شو ما ما قال بنقول وولي أمرنا طول اللع بعمره مو فاضي للتفاهات وهل قصص الفارغه 

البعض بيقول حنا عطينا كلمه للجماعه مشان الصلح  والتطبيع وكلمتنا وحده ما بنرجع فيها وغزه تستاهل ضرب 

البعض بيقول حنا وش دخلنا بغزه خلونا نشوف شغلنا ما علينا منهم بشي 

والبعض بيقول هذول حماميس جماعه إيران يسبون زوجات النبي لعنة الله عليهم يستاهلون 

والبعض يقول يبون يشيعونا ونصير كفار 

والبعض يقول ترى كلها تمثيليه وفلم محروق من ورا الجزيره كذب مو بصحيح اليهود ما يسووها ...

والبعض يقول بعد المهرجان نقعد ونسولف ..

واحسنهم يقول حلل يا دويري ...مو لاقيين غير دويري خرطي ..

اما الفئه الثالثه فهي على خير  وتقول احنا مغلوبين وما باليد حيله وحسبنا الله ونعم الوكيل...

وما زال البعض في غزه يقول وين العرب وين المسلمين ...

غزه لا تندهي ما في حدا ...