غزَّة دُكّانْ !!

.. وَضعْ البَلَد تعبانْ . الشّعب نُصُّه طَفرانْ ونُصُّه من "صُرتُه" قرفانْ مع قلّة الحمام والميّ السقعة كمانْ .! في الأخبار مُنخفض في القيادة وفي المصالحة وفي المفاوضاتْ وكلّه حاطط بربوره عَ خَدّه وقاعد عيّانْ ..!! طَلعي "بزّك" يا غزّة وادعي يا أم سليمانْ يا ربّ الفرج من عندك وما تصير الحرب ونربح كآس "انتصار الفرقانْ" .!! إحنا ماكلينْ "خرة" صار نفسنا بهزيمة باشاميل بالرّمان .!! وفضائية الأقصى لسّه يا ويلي بتحلم يرجعوا الإخوانْ . وهيفا شَلَحَتْ وإليسا شَلَحَتْ والجزيرة من زمانْ . امبارح حضرت ندوة بعنوانْ "أزمة الفصائل والسّكن والاسبست والدخان" ، أحلى مداخلة كانت مداخلة أبو عدنان (غزّة فتحتها حماسْ دكّان !!) . تعقيب الأخ أبو عثمان كان جميل كمانْ " .. بز رام الله تحت الاحتلال والبلد يا جماعة صارت سوتيان ..!" أختنا المناضلة أم صبحي أضافت إنها طبخت لأبو صبحي عَ الفطور باذنجان وأبو صبحي صاحب مرض وصاحب الأخ دحلانْ والأخ دحلان تَعَهَّد بمساعدة منكوبي بركة أبو راشد وبركة أبو العبد وضحايا الفيضانْ ودعا لمواجهة الاستيطان ..!! أحّا وحماس دَعَت وأبو مازن والصيادين والسواقيينْ كمانْ ..!! دحلانْ بيحبّش حماسْ ، وأبو مازن من حماسْ حردانْ ، وحماس في أبو مازنْ نازله طخ في المليان ، والشعبيّة والجهاد ضد الطليانْ . والنّاس مع البرد وحواديت المعبر والغاز والكهربا والانقسام ضرب عندها المُصرانْ ..!! طيّب من هانْ لهان وغلاوة تمويل منظمات حقوق الإنسانْ كيف رايحينْ نواجه أم الاستيطانْ .. ياولاد المُخيّم .. ياولاد الكَمْبْ .. مطلوب فتّاحة تقرأ الفنجـانْ ..!!