فريدة سيف النصر: أنا باتسرق بقالي شوية حلوين وزهقت

قالت الفنانة المصرية فريدة سيف النصر إنها تتعرض للسرقة منذ فترة، ولا تعلم كيف يمكنها أن تتصرف في هذا الموقف.

وكتبت فريدة سيف النصر منشور على صفحتها الرسمية على الفيسبوك، عن معاناتها مع التعرض للسرقة من الخادمة التي تساعدها في تدبير أمور المنزل، وقالت: "أنا باتسرق بقالي شوية حلوين..لما يكون عندك حد نافعك أوي لأن مش اي حد يحب الكلاب..وأنت كل شويه حاجات بتتاخد بجد مش هزار وحاجات باينه أوي".

وأضافت الفنانة المصرية: "يعني هدوم مش أي حاجة لازم ينقصوا يتاخدوا علي نصين مرتين واختفاء قصري .ترجع ترمي لك نص فاتتخيل إنك أنت اللي مادورتش وفجأة اختفاء كامل.. ده بقي غير مفروشات قسما بالله أطقم كاملة بمخداتها ونظارات إكسسوار جزم أدوات مطبخ كاملة والله العظيم ما بقي في حاجة كاملة خالص أول  بأول".

 وتابعت الفنانة فريدة سيف النصر قائلة: "مافيش حد تاني بيعمل الحاجات دي خالص علشان تشك. في ملحوظة مهمة أول ما تغير مكان حاجة بحجة النظام اعرف أنها هاتاخدها طيب لمعي وحطيها مكانها اللي انا عارفاه ليه الألعاب البهلوانية دي.. أو مثلا تلخبط الإدراج وكله يتكعبل في كله بدل إيشاربات لوحدها مثلا وحاجات كل حاجة لوحدها زي الجاتوه ..فجأة كشري وكماله".

وتابعت:"أما أنا فانشغل في حاجات وانسي شويه فا حاجتي فعلا تختفي...اعمل ايه...أواجهها وأنا مابحبش أحرج حد واجرحه ولا أمشيها واحتاس ودوول عائلة كاملة نافعاني سواق نظافة أم مني غسيل .ولا أروح عندهم علي غفلة زي ماقالولي..وطبعا مش ممكن أبدا اعمل كده".

وطرحت الفنانة المصرية سؤال: "بجد زهقت ومحتارة سرقة علني وطبعا بيتفتح عليا بالمفتاح وأنا في سابع نومة...ومع الأسف با أدى الأمان لكل الناس.. تعبت..والله تعبت.حسبي الله ونعم الوكيل..قولولي اعمل ايه؟".

وتفاعل معها عدد كبير من النشطاء مع المنشور، واقترح عدد كبير منهم تركيبها كاميرات، في حين اقترح البعض الآخر طردها فورا خوفا على صحتها.

آخر أعمال فريدة سيف النصر

تألقت الفنانة فريدة سيف النصر في رمضان الماضي 2023، في مسلسل "جعفر العمدة"، مع المخرج محمد سامي والنجوم محمد رمضان، هالة صدقي، أحمد داش، ومنة فضالي، وزينة، وإيمان العاصي، ومنذر رياحنة، وطارق النهري، وأحمد فهيم، ومديحة البكري، وجوري بكر.

وحقق مسلسل "جعفر العمدة" نجاح كبير جعل القائمين على المسلسل يعلنون عن تقديم جزء ثاني من المسلسل، ولكن من المقرر أن يتم طرحه في رمضان 2025، نظرا لأن القائمين عليه قرروا أن يعطوا العمل الفترة الكافية لكي يظهر بأفضل صورة، ووعدوا الجمهور أن يكون الجزء الثاني أفضل من الأول بكثير.