لن نكون حمالين دم فقط .. ودماء الشهداء الوصية

أمانه لا تزعلوا لعدم حضورنا .. ونعدكم بأننا سنعوضها في الطهور ..

بالنسبه للحفله لا تحسبوا حسابنا يا كبير لأننا مش راح نحضر ولا تكثروا من إلحاحكم علينا عشان مشغولين .. بعد 20 يوم الذكري العاشره لإستشهاد أخي محمود الذي تلقي بجسده الطاهر أكثر من سبعون رصاصه غادره بعد نجاحه حل مشكله بين أبناء فتح ومجموعة من الخونه وبعد دفاعه عن الشرعيه وعن فتح وأبنائها وكفاءاتها ورجال أعمالها وسفرائها ومؤسساتها وماجداتها وعسكرييها ومناضليها وعواجيزها ومن يرثهم .. وسنقرأ الفاتحه علي روحه وأرواح أكثر من 40 شهيد من خيرة شباب عائلة دغمش ونطمئنهم بأن الوطن بأيدي أمينه وحقوقهم محفوظه وأبشرهم بأن أولادهم وذويهم لا ينقصهم سوي الإلتحاق بهم .. وسأعمل علي إخفاء خبر قطع رواتبنا وإنكار تضحياتنا .. ويارب أمي تنسي تحكيلهم عن إعتقالها وهدم بيتنا وإنها بتتعالج في أكبر مستشفيات الوطن وبتشتري علاجها بإنتظام وبتدفع رسوم مدارس أبنائنا في وقته وبتشتري لأطفالنا إحتياجاتهم يوم الراتب اللي بيتأخرش عن موعده وأخر مرة اشترت مستلزمات للبيت بالجمله مثل ما تعودنا علي أخر راتب قبضته قبل 25 شهر .. ويارب أطفالنا ما يقولوا إنها بتشتري علي قد إحتياجات البيت اليومي وكمان بالسلفه من دكانة جارنا أبو زياد والخجل يملأ وجهها بعد العز والكرم اللي كنا فيه ولكنه راااااح يوم ما صدقناهم يا غالي .. يعني بإختصار ناموا بصمت لأننا صرنا نحسدكم على الرحيل ونبكي حالنا بعد ما كانت بصماتنا المشرفه في كل مكان صاروا بدهم إيانا نبصم حسب مصالحهم الشخصيه بغض النظر عن قناعاتنا .. ولا تحكي يا أخي للشهداء عن هذه الإمتيازات والإنجازات خوفآ من شر حاسد إذا حسد يا شهيد .