ليش مش عم تزبط؟!

نسبه كبيره من شعبنا في الضفه والقطاع والداخل والشتات والمخيمات واماكن اللجوء لا تتفق مع السلطه وضد أوسلو وضد التفرد بالقرار واحتكار الشرعيه واللعب بدماء الشهداء على طاوله القمار واروقه العلاقات والمصالح ..

من زمان وعبر كل المراحل كانت تجري محاولات لتصويب المسار عبر اجتماعات وتشكيلات وجبهات ومؤتمرات وبيانات ولجان 

وفصائل وشخصيات وحتى دول وكله ضراط على بلاط بلا قيمه ولا تأثير ما حدا سامع ولا بده يسمع ..

ليش كل هل محاولات بلا جدوى ولا قيمه ولا وزن ...لماذا لا نجد أحدا يستمع لوجهه النظر الاخري والرأي الاخر لا من الداخل ولا من الخارج ..

اسمع كلامك اصدقك وبشوف عمايلك أتعجب 

الكل يقول بأنه غير راضي عن فعايل السلطه ومحمود عباس وعن غياب المنظمه واختفاء اللجنه التنفيذيه التي تحولت الي لجنه مؤنثه في رجل لا صوت ولا صوره وغياب كل المؤسسات ...الكل من داخل الفصائل بيقول سواء كان  في فتح وفي حماس وفي الجهاد وفي الشعبيه لماذا لا يصلح الله اعمالهم ويهدي بالهم ...

هل ما يقال في العلن غير ما يقال في السر ؟؟؟؟

هل الكل بيكذب وعند الجد بيغير ..

هل كلها هياكل كرتونيه وطبول فارغه ..

مش معقول يشوف معارض كردي واحد تهتز له الارض او معارض إيراني تقوم الدنيا ولا تقعد شفنا معارضه هنا وهناك وما حدا شايف معارضه في فلسطين رغم ان ال ١٤ مليون بيعارضوا...

في غياب او تجاهل متعمد او مؤامره او سوء تدبير او سوء نوايا او نفوذ غير محدود ..

من أين تستمد هذه السلطه قوتها من العرب مهو العرب مس لاقيين يوكلوا ...على رأي المثل 

من امريكا وإسرائيل والله ما في غيرهم عاملينهم حسن صبي ..مخصي بين الجواري بيلعبوا فيه الكوره وبيقولوا هذا هو الممثل الشرعي والوحيد للشعب الفلسطيني ..

والممثل الشرعي والوحيد يضرب بكل الآخرين حتي لو كانوا ٩٩ في الميه عرض الحائط وبيقول اللي مش عاجبه يشرب من بحر اريحا او غزه او من المجاري ...

بصراحه في برغي مش راكب في حدا غلط في ان زي ما بيقولوا ..

محمود عباس مش فرعون ولا قارون لكنه بالون منفوخ بأيدي لاعبين كبار وبيقلك القرار المستقل ...

لعبه ومش زابطة...هل من يفسر لنا ؟؟؟