ماذا كنتم تفعلون

شو كنا بنعمل...

كورونا كشف عوراتنا

بلاش نحكي شوف امريكا شوف اوروبا شوف غيرنا شو صار فيهم شو احنا احسن او افضل من كل هل عالم...

هذه مشكلتنا اليوم المقارنه بالاخرين شوف فلان شوف مرت فلان شوف ابن فلان الهرب الي امام وايجاد الاعذار والتبريرات...

من فمك ادينك كل ما بيطلع مسعول بيهت علينا وبيقول احنا احسن ناس شوفوا احنا وين شوفوا الجامعات اللي عملناها والدراسه فيها اغلي من اميركا شوفوا المستشفيات والليله الوحده بتوصل ٢٠٠٠ ليره شوفوا المدارس الخاصه والروضه ب ٤٠٠٠ شوفوا القصور والفلل طلعت سرقه ونهب شوفوا اعلي نسبه من حمله الشهادات العليا بدون وظائف وشهادات مزوره شوفوا خريجي الجامعات قاعدين بدون شغل والواحد منهم بيعرفش الضاد من الظاء ولا يركب جمله عربيه صحيحه ولا يكتب اسمه بالانجليزي صح... شوفوا الحريات والمعلمين يهانوا في الشورع مشان بدهم زياده ويضربوا بالقناوي شوفوا الديمقراطيه ورئيس الهيئه العليا للانتخابات بيقول نجح ٨٠ نائب بالتدخل الجراحي... شوفوا البحبوحه ويموت كاتب وناقد ومترجم وعضو في رابطه الكتاب جوعا ولا يجد حبه دواء ولم يسعفه احد... شوفوا مجلس النواب يخزي العين حتي قانون للانتخاب ما عمل...

شوفوا الضمان كانت تصرف رواتب تصل الي ٢٠ الف دينار لموظفين كبار ونص البلد بدون ضمان ولما سكروا عليهم مشان كورونا صاروا يكاكوا...

طلع ما عنا اسره كفايه بالمستشفيات ولا عنا غرف عنايه حثيثه كافيه ولا عنا مواصلات عامه مثل العالم والناس....

الازمات بتبين الصديق من العدو والخبيث من الطيب... وقفنا معكو طيب وقفوا معنا بتتداينوا واحنا بنسد بتسرقوا وبتشردوا والمواطن الغلبان واقعه في راسه ضرايب واسعار وماكل هو.... شو الامان اذا ما في اجار الدار والكهربا مقطوعه والمي فكوا العداد لعدم الدفع... وفش تامين صحي ولا حبه دوا ولا صحن شوربه عدس....

شو كاينين تعملوا كل هل عمر بتبنوا مستقبل للولاد مهو ولادكوا باميركا ومستقبلهم مضمون.. لشو القصور بتبنوها والواحد وصل ٧٠ لشو بتسرقوا بعد شو ظايل ما عملتوه... الكفن بلا جيوب... خافوا الله... فش كفن من ايلي صعب ولا بيير كردان ولا ب وس... كلها كتان وبدون جيوب... كل قرش سرقتوه رح يوقف ملايين يحاسبوكوا عليه...

كل يوم سولافه اولها كذب واخرها كذب والتسحيج شغال...