نار النقد الجمعي

فصائلنا فصلت فستان
طلع قميص نوم شفاف
مغري ومثير للمشتاق
ومين فينا شبعان حق
يا جمال غزة النبض
شعار ورقص و وهز
ناس توكل البط والوز
وناس بتنام تحلم
وين أيام العدس
ما كنا نقاوم بالحس
يا خوفي ما تكون إتحولت
وشالوا منها اللام
وافهموها يا أغنام
يا قطيع من غير عصا
وصحراء مليانة غبار
من عقول الحكم فسرنا
وصرنا من البرد
قلوب من نار
وارواح يتسأل
عن الشمس والغد
ما بيكفي موت وقهر
وخسارة من بعد خسارة
وسلملي على المانجا الخضرة
وداعا يا تفاح الحمرة
والراية بيضا وحلوة
والسودة ساكنة في المقبرة
لا علم ولا مغفرة
ولا توبة من ليل البوصلة
محرومة من حفظ الكتلة
وتاريخ بكتب تاريخ بصلة
من قشرتها مات شعب الهجرة
واتهجر وانحرق من غير معرفة
السبب وعلة السبب نذالة مبرمجة
تركيبة ودولار وحلة كوارع في الجورة
حكمت وشيطنت ولعبت على أوتار اللحية
ما تزعلوا وكلنا مقاومة ويلا نجني ثمن القضية
كذبة ولعبة وتسلية وحروف مغنية تغني لهنية
كيف العالم من برا وشو عجبك في القعدة
قصر ولا فندق ولا مشعل ثورة
طيب إزهر مرة
وقلي لوين بدنا نحرر بعد كل حرب مرة
طعمها فينا ومذاقها علقم من دم التضحية
من تركيا لقطر لايران لحلف الجبهة الشعبية
ومعنا اوروبا وامريكا وبتسلم على السلطة
خيار وفقوس وباذنجانة مشوية
يسار ويمين واسلام ومسيحية
تاريخ ومذكور وهينا بنلعب الاستغماية
مين شاف البندقية
وين مدفونة
في صنية
ولا صلية ملفوف ومهلبية
تدفينا شوية شوية
واحسب يا عداد التجارة
عمر وانتفاضة
ومن انتفاضة لانتفاضة
شو حققنا من الراية
وشو الفايدة
وعلم فلسطين مهجور والحقيقة غايبة
في البلدي والمسحراتي بدق وبطبل على طبلة عايبة
بيكفي والله قضيتنا عادلة
بس محاميها فاشل ودراعها ملون بألوان الطيف الفاقعة